2號仔的特色
小金星:
記得好多年前果時番團契有次sharing，自已分享時話自已搞的公司創業失敗了，重欠人十皮野。由於自已一向都扮淡定，話自已搞得掂，會處理到，慢慢會還番比人。(嘻嘻，都還晒啦，呢度都多謝果位好朋友的包容) 所以分享完都無乜淚花，係個好負責任版本的故事，無任何受害者故事講出來。
到自已講完之後到另一個弟兄就話自已剛出來做野，比個上司冷落定唔知前路去向之類。之後果D姐妹都好關心佢，重寫埋慰問咭比呢個弟兄。而我就無人care。昨晚同Louis食飯講起呢D野，話自已外表扮唔在乎，底層其實好死心眼，可能會記住一世。Louis唔係2號仔就唔在乎呢D野……
小金星你爸爸呢幾年上咁多堂，發掘左好多自已的底層野，鬼話/術語叫做唔識愛自已，雖然慢慢都學懂多少少，但都係Focus 響小金星同你媽媽你身上好D。
舊年攪九型人格/九柱性格學上課時找到自已係2號仔，原來人的OS都係得果幾種，就係呢幾種唔同的OS之間的運作互動就創造了人類咁多野。記得上堂時都有個2號仔人版出來講下2號仔係點，發現原來自已的想法唔係咁獨特，佢講果D心態野原本咁得意竟然同自已一樣。
小金星，你爸爸覺得童年對一個人的一生有好多野好大影響，例 如九柱性格所發掘出來的唔同性格，可能就係從小自已要用D乜野策略去取得愛。
例如
2號仔的 策略/心法係 我若不幫助人，便沒有人愛我
4 號仔的 策略/心法係 我若不獨特，便沒有人愛我
都是 源於童年的取得注意/愛護的一些策略
而這些心態便影響每個人的一生，小金星，你個OS運用乜野策略，去贏得你爸爸媽媽的愛護呢?
係唔係:
我若不微笑，便沒有人愛我?
係你就笑多D啦。
回應(5) | 回應的RSS | 暫時未有引用通告| 
(2)
黛
lomedia
2005 十二月 3 at 12:24 pm >>重寫埋慰問咭比呢個弟兄
他沒有錯，也只不過是想『被愛』。
請你不要把自身感受放在小金星上
>>我若不微笑，便沒有人愛我?
說出來實在太可悲。
2005 十二月 3 at 11:59 pm xelein:
多謝你的回應，心態 係點樣 唔係道德層面，而係自少Ego的策略去贏取父母的愛，請你不要用道德角度去批評心態。
i.e. 你睇唔睇到: "我若不幫助人，便沒有人愛我" 呢種心態如果用你的標準可能比 "我若不微笑，便沒有人愛我?" 更可悲。
"我若不微笑，便沒有人愛我?" 只係搞下笑的，九型人格都無一隻係咁，唔知董伯伯果隻9號仔"我若不和諧，便沒有人愛我?" 算唔算可悲?
>>請你不要把自身感受放在小金星上
呢個Blog 都話到明叫 <火星下的小金星>
你要我不要把自身感受放在小金星上係唔係我唔好響度寫Blog 的意思? ^__^
>>他沒有錯，也只不過是想『被愛』。
我亦沒有說他錯，我只係講左個事件出來。
請看清楚原文:
<之後果D姐妹都好關心佢，重寫埋慰問咭比呢個弟兄。而我就無人care。>
錯唔錯可能係你的判斷，我只係講我就無人care。 (同埋話 "底層其實好死心眼，可能會記住一世")
2005 十二月 4 at 11:17 pm 小金星o的服裝好鬼靚，美術指導應記一功。
2005 十二月 5 at 2:43 pm 個人認為12星座比九型人格更sophisticate
紫微斗數又比12星座尤有過之 XD
2005 十二月 5 at 4:05 pm 跟我學紫微斗數仲好啦. 最多收順的.
http:\foxchan.mocasting.com