悠長假期完結=新的一天=新的理想
小金星:
剛剛一個月的時間，這個月係你爸爸咁多年比較無方向和準備的日子，但人生有時就係咁樣玩，你永遠唔知道下面有乜野，但可能咁樣人生先至有趣！
呢個月都週圍發揮下可能性，除了IT工 無找過之外，不同行業如保險/財務策劃、小販、傳銷、年宵都有接觸過，保險堂亦上完，不過上個星期大感冒病到無去考試。
這個星期病好得8899時突然睇下快一個月了！成個月都係食緊老本，雖然未咁快食完，但一D都唔快活自在呢！
這個星期才發輝最大能力send信找IT 工，睇番個send items folder 2日都send 了30幾封信出街。不過都未有回音……
到
了最後十一月最後一日，約Buddy 出來食飯同講細節合作，之前都上過去她的印刷廠睇過，今次同佢一齊搞間Retail
的印刷公司，咁就一拍即合，有傳統的印刷野做，再攪埋網上業務，整間網上印刷都可能有得做… 小金星，你爸爸要勤力，搞好間Shop 去養你呢。
你爸爸創業唔係第一次，但次次都奇怪地開始，突然想起上次訪問Keith，話創業有時都幾孤獨的，今次跳入Printing
Industry 都要做D creative 野，做埋Blog Publishing的服務，快D做本
火星下的小金星的BlogBook，睇下個Costing 要幾錢先。有無人想要本 火星下的小金星 的BlogBook呀? 要就留個言網上登記呢!
今次只許成功，要WIN ! ! ! YES! YES! YES!
小金星你要支持爸爸啊! 大舊石加油呀! YES!
(0)
2005 十二月 1 at 4:10 pm 加油加油
2005 十二月 1 at 4:14 pm 大舊石努力啊！恭喜你找到方向呢！
早前找工作的時候，常常有這個感覺。雖然當時並沒有金錢上的壓力，但心態總有點「不正常」，難以好好去享受沒有工作的日子。總覺得，晚起床是不好、看小說是不好、約朋友睇戲食飯駛錢就更加不好。
我們都被資本主義塗毒太深，總覺得不工作就是錯、甚至是罪，要自責的。就算當事人看得透，但身邊的朋友家人又明白嗎？他們不明白，就反過來連自己都難以釋懷。有時候身邊人的一言兩句，即使是簡單地問候一下你的搵工情況，你的心裡都會覺得不安。最難受是當身邊的朋友陸續找到工作、或一直都有工作，但自己總是在尋尋覓覓，這份壓力，真是會壓死人呢…
這階段就真靠朋友幫忙。家人和愛侶的安慰，有時只會增加當事人的壓力，反而對著朋友，心情還可以舒坦一點。你話，朋友幾咁重要呢！
2005 十二月 1 at 5:57 pm 我要本, 要有小金星親筆簽名呀
搞印刷/出版/網上生意我有興趣呀, 講多d來聽聽吧~~~
2005 十二月 1 at 9:09 pm IT人係要搞IT先下會搵到自我 ^^
我一定會幫趁，努力呀！
2005 十二月 2 at 7:37 pm 时常0黎睇小金星，其实都系睇住大舊石同小金星一起成长啦。 大家都要加油啊！我希望可以要本小金星成长记：）
2005 十二月 3 at 11:34 pm 唉... Issac Lam 呀 Issac Lam, 都吾想撥您冷水, 但做 IT 生意九死一生. 如果您都仲係要做, 唯有祝您好運. God Bless U.
2005 十二月 4 at 12:15 am IT? 今次係做印刷喎，都係要用電腦的，都算IT吧!?! Anyway thanks for supporting me....
2005 十二月 5 at 2:44 pm 就算係做印刷為主都要打正旗號話IT呀，多好多著數的