中文輸入有幾難(二)廣東話輸入
小金星：
作為香港人真係一個奇怪的中國人，係一個唔識唱自已隻國歌，唱到一半就啦啦啦，電腦上又唔懂拼音的一個物種。
人地大陸及台灣都叫做可以用拼音來打下中文，但香港人其實做少係未學過廣東拼音的，相對來講台灣和大陸同胞就自少就學懂拼音，所以電腦上中文打字絕對快過香港人用廣東拼音。
記得早年win31 時代開始便有廣東輸入法，但到了現在真的唔懂了，XP上亦不見得有標準的廣東輸入法，而用廣東輸入法真的時常要選字，速度相信難比倉頡/速成輸入的速度。
小金星，你長大時會學懂廣東拼音嗎?
我靈願你花多D時間去捉金魚，都好過學廣東話輸入法啊。
回應(8) | 回應的RSS | 暫時未有引用通告| 
(0)
2007 八月 10 at 10:50 am 我夠膽用廣東話輸入法同任何一種輸入法既人仕比拼，我相信同一般用家黎比都幾難會輸。
2007 八月 10 at 10:53 am 我諗我打完500字再食埋個包都仲等緊對方慢慢打。
2007 八月 10 at 11:11 pm 我都係咁話。不過小金星大個果時可能唔駛打字，可能d voice recognition會勁好多...或直接插條線入人腦，諗乜打乜hahah
2007 八月 13 at 2:38 am 我也是用廣東輸入法的！原來 Kli 都是同道中人啊！
我自 DOS 國喬年代就已經用廣東輸入法的了（懶得學倉擷 @_@;;），直至現在也是。這些年來，搵工時或許會感到一點尷尬：萬一要在他們的電腦上測試我的中文輸入法速度，我也不知怎麼辦。
不過學好廣東輸入法後，真的會對發音敏感一些，例如知道哪些字要用鼻音，可大大減少懶音問題。
2007 八月 13 at 8:54 pm 點解讀書課程中沒有學輸入法？
2007 八月 14 at 9:57 am > 點解讀書課程中沒有學輸入法？
我讀書時電腦堂都未有，倉頡輸入法都未成為標準。
到後來讀電腦都係讀英文的，無人要你學中文...你想學就自已搞掂佢...
2007 九月 17 at 5:28 am 同意字太多了,及香港人讀音也不正。
拼音不合香港人用的。
2008 五月 21 at 11:06 am 呵呵，我現在用的是手寫板。拼音不太合我用。