Ugly的母親節
小金星:
都話左無偶然啦，你所做的事背後定有些事件會從不同的層面沉現出來。
事緣收到個紅色炸彈，入面有一張新人照，你媽媽替爸爸開了個炸彈後就說：「哇！So ugly！」跟著小金星又牙牙學語的跟著說：「哇！So ugly！」
而這件事你媽媽還好開心的打電話來，說小金星唔知學邊個講。我聽到ugly這個字，便知道無偶然的留言版說:
123 Says: 2007 五月 10 at 4:14 pm Edit The baby is very ugly
而當我對小金星媽媽說小金星留言版有這個留言時，這個小金星媽媽還要留個咁樣的留言回應:
小金星媽媽 Says:2007 五月 12 at 1:09 pm Edit 小金星都不知幾可愛。你老板，關你乜Q事，正PK！
小金星，好在依家你都未識得打中文字，如果唔係可能會引發一場大戰架。
小金星你爸爸只係想到這個伊索故事:
天神丘彼得通知森林里的野兽，将要颁奖给哪个有最漂亮子女的野兽。猴子也跟着其他的野兽来了。以宽容的母爱，带著一只扁鼻无毛，相貌丑陋的小猴子，做为 这个奖项的候选者。当猴子献出儿子时，引起了一阵哄堂大笑，但她却毅然地说，我不知道丘彼得是否会将奖品给我，但有一点我是明白的——在母亲的眼里，这小 猴子才是一切野兽中最亲爱、最漂亮、最美丽的子女！
所以小金星你要知道，無論你幾ugly都好，都是爸爸媽媽的最漂亮子女呢。
嘻嘻，小金星你都要下次問下嫲嫲，問下佢眼中的子女係唔係最漂亮呢。
回應(1) | 回應的RSS | 暫時未有引用通告| 
(1)
電子神童 Vivien
2007 五月 14 at 1:51 pm 審美眼光可以睇出一個人既內涵。對小朋友都咁mean，呢d comment可以不理啦。
小朋友，邊個會唔靚？我曾經聽過一個modeling agency老闆講，佢話，無一個小朋友係唔靚，個個都天真無邪，個個都靚，個個都可以成為焦點。而小金星嗎，我幾羨慕佢一頭柔順秀髮，白滑肌膚同甜美笑容。但最重要係小金星個心。係呢個時代，大多數小朋友都好自我中心，被寵壞，無禮貌，但小金星係一個好有禮貌，好乖好大方請人食野既小朋友。
小金星媽媽唔洗激氣啦，唔同level唔洗同佢一般見識。我地個個都鍾意小金星，就已經係證明。證明你係岩，果個人有問題。