火星下的小金星

小金星成長#96 訪問香港航天學會會長雷Sir(上)

Posted in: 潮流玩物, podcast @ 2008年02月28日

本集訪問香港航天學會會長雷Sir

當年美國登陸月球開始，對當時只有11歲的雷Sir極為震撼，從此與航天科技有緣。
到後來親身飛到美國與蘇聯接觸真正的太空人與航天科技，
原來與童軍有極大關聯，詳情請收聽本集按此下載收聽

相關網站香港航天學會 http://www.aerospace.org.hk

(按由於mocasting MP3 hosting 服務將取消，由 Podcast MP3檔將會放在新server上，如有收聽問題請留言)

所有小金星節目可按此往 OpenradioHK.com 開台收聽及下載

網上收聽@Yahoo Podcast

download@Feedburner

聽眾如對本Podcast 節目火星下的小金星內容有任何問題或回應

歡迎打往小金星熱線 852-30058724 留言 issac124@gmail.com

按此回應 | 回應的RSS | 暫時未有引用通告| (0)

中文輸入有幾難(一)

Posted in: 潮流玩物, 網言網語, 話當年 @ 2007年08月06日

小金星:

對於中文輸入，爸爸工作上始終係英文為主，雖然1987年果份工經已要處理好多用dBASE 打的中文地址，那時Windows 還未普及，用中文要用DOS +國橋中文+dbase ///，當時見果D中文輸入員打中文，可能就係見到佢地打咁快，便產生一個信念……

雖然自從Apple II 時代經已學過倉頡，但始終有一個信念，認為自已唔可以打太快，如果唔係就會走去做 call 台，所以為了繼續做電腦工而唔做call 台工，這是第一個閃去唔學打中文的理由。

電腦上的中文始終唔普及，雖然當時都要用下Page Maker 及 Coreldraw ，但都係做下排版及打幾隻字的地步。

到了 BBS Modem時代(1985-1995)，都只係英文溝通多，乜野 buy sell echo都只係用英文就得。所以當時速成識打幾隻字都可以了。

到了1995年左右響一間律師樓做Support時，見到當時的中文秘書打中文的速度都真的快，收入亦很好，總算係一門手藝。算係對中文輸入的睇法改變….

現在想起第二個閃去唔學打中文的理由係這十多年間假如你比人知道你知道你懂打中文的話，一些乜野會議紀錄及重要文件就會找你去輸入電腦，而目的只有一個，就是印出來比較漂亮，其它的理由如 re-usable，keep softcopy 等通通不會理會，於是打了一晚的心機原來只係為了美觀，這些無謂的工作可能軀使我的自我抗拒學習打中文。

雖然自從Apple II 時代，由DOS時代(國橋、倚天)、Windows 3.1 、windows 95 到現在的WinXP，之間用過速成，廣東話輸入法，同埋一隻由澳洲人發明的筆畫輸入法WP。

由Apple II 時代經已抗拒學倉頡，對於這種咁難學的中文輸入方式，自已覺得中文無理由係咁難先可以打出來，雖然朱邦復先生無私的貢獻，將倉頡免費的送出來，但自已就覺得無必要咁辛苦的去學拆字，而每次見到那些什麼快快樂樂學倉頡只覺得很反自然………….

CIMG6546 小金星，你會快快樂樂學倉頡嗎?

回應(6) | 回應的RSS | 暫時未有引用通告| (0)

由iPhone 到針筒氣槍

Posted in: 潮流玩物, 遊戲, 話當年, Venus 地球寫真 @ 2007年07月14日

小金星:

最近有幸 PCMarket邀請訪問你爸爸對iPhone的意見，因為現在用緊部softbank WM6 + 3G用得幾好，雖然間中hang 機，但用緊3G 傳送再用番EDGE 相信大部份用過 1.5M boardband 叫佢用番 56K modem 都唔會好多人會學得正，所以就話部iphone值三千好啦，下年到佢響亞洲區發售時希望有埋3G啦!

小金星，查實你爸爸咁大個仔都有幾次搞野搞到見報之經驗，而第一次記得係好多年前(30年前?)，竟然搞左單野上歡樂今宵，當時都唔敢話比人聽係我搞出來的，到現在才敢講下……

話說我樓下有間小童群益會的圖書館，細個果時成日走去圖書館玩，當時10歲左右，參加了某D興趣小組要做標本，要去買針筒去將防腐濟注入果D小昆蟲度，走去藥房買當時值HK$1的針筒，對於小朋友來講呢$1 就係現成的玩具，可以做手提水槍，當時最好玩的係用水射落樓下，用針筒射水落街有幾種不同玩法，視乎你有什麼物資在手，只係水都分冰水、暖水、熱水及室溫下的水。當然在下都只係試過冰水同室溫的水，假如閣下當年行過某處感到涼一涼或成身濕晒或D 液體發出一D 不明或知名之氣體，一定與本人無關….

針筒射水其實有兩種玩法，分神不知鬼不覺式與練神槍手式兩種: 神不知鬼不覺式係因為用上針頭射出，對受害者來講往往以為係落微雨，所以往往只係摸下個頭，望下個天就算。這種方式還要計算炮彈射出與到達地面之時間，及移動之速度，新手往往需要一些時間去練習，但唔緊要，這是熟能生巧的行為，當年未有wii就只好人肉練習一下。

而除了從針筒射水之外亦可除掉針頭作高速發射，而這亦需要配合天氣，及更準確之眼界。每當下雨天時target 從兩旁進下射程後，便可以45度角高速射向目標，由於時為下雨天，目標多數未能了解自已為何濕身。

本文無鼓吹推動針筒射水之玩意，有意練眼界者可按此

玩了一排這種迷你水槍之後，最大鑊的就係某日從地下執到……

(閱讀全文)

回應(4) | 回應的RSS | 暫時未有引用通告| (0)

乜都關 iphone事

Posted in: 時尚, 潮流玩物, gadget, iPod / itune, PSP @ 2007年07月12日

小金星，將來你會否記得你兩年前出世時 PSP 個firmware 只係 version 1.50嗎?

正如今日你兩歲生日就有 iPhone 面世，雖然只係第一代，過一排就出新一代iPhone，但現在都幾多人買，雖然部 iPhone 只係美國發售，但短短幾日就賣出了一百萬部，前兩日上 PC Market 睇下部 iPhone 真版，雖然一部未crack，只係係咁去 AT&T/iTunes 登入，另一部只係crack 左可以聽下歌同睇 sherk 3 movie trialer，但都算係咁啦，可惜無 wifi ，無得 connect 上網睇下佢有幾快。

用左部 softbank 3個月，上埋 3G 台，用緊PC Home 個500Mb$88 的plan，每日用部 softbank 上網或藍牙connect 同部 macbook 上網， iPhone 係唔係可以代替到?

我想用來做 second phone 都唔錯的，所以同PC Market 話平平地 $3000 就買部來玩下。
小金星，到你大左，你又鐘意用邊部?

(閱讀全文)

回應(5) | 回應的RSS | 暫時未有引用通告| (1)

小金星做女主角@PCMarket Light

Posted in: 潮流玩物, gadget, iPod / itune, Venus 地球生活 @ 2007年04月26日

今期小金星上PC Market light，小金星媽媽都覺得影得小金星幾靚，
小金星爸爸都覺得影得幾好，特別瞇埋眼都幾好。

今次星島PCMarket 的記者都幾快手而專業，訪問後影相小金星都幾合作，
都唔使點就影到好多角度的相片。上個星期訪問完今個星期就出街了，
唔似壹仔果兩次訪問了兩次要幾個星期才出街。

小金星買了架Apple TV都係想試下video podcast，做了第一個video podcast，不過個RSS好似唔係幾work，都未試到 sync 入 itunes. play 到都比個nice 啦喂…

呢架Apple TV 都好多野可以 Hack，上次上talkonly講呢部AppleTV都未講到可以裝OSX，又可以加大個HDD，不過要去鴨記買個特別的鑼絲批才可以開到，上次個XBOX 都係要特別的鑼絲批，不過呢排又要Hack 架 softbank 做 WM6，未有咁多時間….
小金星又越來越大個啦，雖然未夠兩歲，每日放工陪佢玩sticker，玩bubble比hi-tech 野好玩呢。不過工作還是要做，往往要陪小金星到午夜才開始做野。