火星下的小金星

唔經唔經小金星星期日就係佢生日啦，呢個係佢第一個舊曆生日，大家都好開心咁同小金星開party 

小金星：

星期日係母親節，亦係小金星第一次病倒的日子。星期六同你去翠華食野你都無乜野，

 但星期日就成為一隻鼻涕蟲，和你匆匆睇過星期日的醫生，
個醫生叔叔都話你係個強壯的小朋友，到差不多一歲才睇第一次醫生!

跟住同你去睇Mozart ，

 再去食Tea，都無乜野。係跟住食完藥就 wing wing 地，見到都無同佢講母親第快樂。

 番到屋企重….

 小金星:

見到你呢張相就想起呀Jack臨死前同阿Rose講
叫阿Rose唔好放棄，比心機堅持落去，跟住阿Jack就沉左落去。
而阿Rose就堅持，努力落去，又學騎馬同飛機，重成百幾歲先至死。但小金星你要知道, as one journey ends, another begin….

小金星你都要努力，長大，做自已想做的事， 響地球努力創造呢。

你要努力學騎馬 

 學電腦

學渣飛機 

你媽媽話最緊要學琴 

 遇到難題會放棄嗎?

 Windows 都唔會好難

 始終學有所成

因為呀Jack 今個暑假就番生啦    Titanic 2

上星期六係祈哥新婚之喜，在此小金星全家都祝祈哥新婚快樂。
可惜新工連星期六都係番全日，無得下午去埋教堂睇行禮，想當年十年前祈哥都係幫自已的鄧穿石，在此希望祈哥唔好怪我無幫手呢。

其實這份新工番了一個星期後都未習慣，如果可以多些時間陪小金星就好啦。

小金星雖然唔係做花女，但你個契媽送了呢件妹裙比小金星，重同小金星個契姐一齊影相，點解小金星你個頭比你個六歲契姐個頭重大呢?

星期日又同小金星另一個契媽同契哥仔去了中央圖書館入面的玩具圖書館。不過可能小金星太細過，最好玩的玩具只係對鏡笑，對D玩具的興趣不大，都係等你大個少少先再來啦。

講過呢個圖書館，你爸爸都係第一次入去，最得意係記得SARS時代newsgroup留傳一個故事話呢個主角每日一早食福麵，跟住行路往圖書館上網睇報紙找工。呢D係沙士時代的故事，好在你爸爸完了三月的project後只係兩個星期就找到工作了，小金星你知道這個世界無偶然，通通都是自已想要的。因為我要同小金星一齊創造一個溫馨有愛的家庭，當然會盡快找到工作養你呢。在此響呢度希望未找到工的，盡快處理好心情就再創造新的事業呢。

上星期日小金星不住的大叫大鬧，初時都唔知乜野事，
小金星媽媽帶佢出來步行籌款時去美孚時響架小巴度都不斷叫。

去到見到Leo 夫婦都係不斷哭

復康力量會長 Leo 都搞佢唔掂。

好在老豆都搞得掂

不過上台唱歌又來哭喊過，可能D音樂太大。

比爸爸張嘉許獎狀小金星玩都唔笑。

比個工作牌反而又笑返。

今次復康力量步行籌款對籌委的義工的工作量相比上次分享28少很多，希望今次可以籌得多些錢啦。

小金星，呢排咁成日扭計仔，究竟係乜事呢?

會唔會係同呢排D靈異Podcast訪問有關?
 

 原來小金星生了兩隻牙仔，小金星大個女，不再天真無牙了!

小金星祝大家愚人節快樂。 

今日找了你去錦田探望剛滿月不久的BB，順便參觀下有機農場。

有無想過做農夫呀?

睇下D菜點樣生長出來。

不如我地 屋企都種番D大樹波羅囉

 第日可以騎駁馬去去摘生果食。

之後番屋企前重去探路。 

小金星你老豆呢排買了個300Mb HDD 後重裝個windows ，再set 番好D program，重要set 埋D virtual machine.. 所以咁耐都唔寫blog，加上最近重買了部XBOX，希望可以裝個Linux 同 media center 落去，同埋再買埋部 NDS，晚上又同你玩得咁開心，真係唔得閒寫blog 呢，好在D podcasting 訪問都未有脫期，可以響網上電台Open Radio Hong Kong順利出到街。

 其實呢排小金星都有好多event，例如剛剛check 番個相薄找到呢個你契姐送比你的祝福。

 見到呢張你契姐送比你的圖畫，真係好感動呢。小金星你都要好好的快高長大啊。
將來到你大一些時你會畫乜野比番你個契姐呢?

其實你爸爸我係最怕契乜契物的，中學時成日見到果D先契後拍拖的情人，
及舊年曾經見過有人為了叫人信主而胡亂同醫院結識幾天的陌生人結拜的奇事。
但都係平常心對待吧。有D野可能對某D人行得通，行唔通的可能與事件無關。
不過你媽媽都替你找到很多錫你的契媽，而她亦係兩個人的契媽及
她契媽的契女，
所以小金星你便有很多契媽、契姐、契婆錫你呢。
之後你契姐的幼稚園響Poly 有function，重叫埋所有契姐妹兄弟出來。
睇完都好似春田花花幼稚園咁，有好多比小朋友玩的活動和游戲。

 一入場就有人叫小金星，原來係上次Moshow 聚會的 Michael Azim，原來咁o岩佢係當日的專業攝影師呢。
重替小金星影了幾張相呢。

 契姐的野人造型夠野嗎?

(幼稚 - 30978.3gp ) 

之後睇完重去了巴西呢。