火星下的小金星

飛短留長小金星

Posted in: Venus 地球寫真, Venus 地球生活 @ 2006年05月31日

原來想同你留長頭髮，留到好似千年女王果D先至正，不過夏日炎炎，廢事你咁crazy look 啦!

今日端午就帶你去剪下前面啦

剪緊時小金星都唔捨得..

剪完都抱實媽媽。

按此回應 | 回應的RSS | 暫時未有引用通告| (1)

小金星生日週

Posted in: Venus 地球生活, Venus 地球寫真 @ 2006年05月29日

唔經唔經小金星星期日就係佢生日啦，呢個係佢第一個舊曆生日，大家都好開心咁同小金星開party

(閱讀全文)

回應(4) | 回應的RSS | 引用通告(2)| (0)

小金星成長#39 訪問金雞Sindy(上)

Posted in: podcast, Venus 地球寫真 @ 2006年05月24日

小金星:

香港曾有繁榮、紙醉金迷的日子，要有幾興盛的經濟?才可創造這個逍金窩?

現在香港是笑娼還是笑貧? 還是兩種都唔笑?

究竟笑貧不笑娼好D ?
還是笑娼不笑貧好些?
還是不再笑其他人好些?今期訪問一個曾經在夜總會的媽咪Sindy講下當年的夜生活，
究竟Sindy點解會入呢一行? 係唔係被人迫良為娼? 還是心甘情願?

(小金星成長#39 訪問金雞Sindy(上) - 41769.mp3 )

網上收聽@Yahoo Podcast 節目下載@網上電台

download@Feedburner

聽眾如對本Podcast 節目火星下的小金星內容有任何問題或回應

歡迎打往小金星熱線 852-30058724 留言

按此回應 | 回應的RSS | 暫時未有引用通告| (0)

小金星唔易做

Posted in: Venus 地球生活, Venus 地球寫真 @ 2006年05月16日

小金星：

星期日係母親節，亦係小金星第一次病倒的日子。星期六同你去翠華食野你都無乜野，

但星期日就成為一隻鼻涕蟲，和你匆匆睇過星期日的醫生，
個醫生叔叔都話你係個強壯的小朋友，到差不多一歲才睇第一次醫生!

跟住同你去睇Mozart ，

再去食Tea，都無乜野。係跟住食完藥就 wing wing 地，見到都無同佢講母親第快樂。

番到屋企重….

(閱讀全文)

回應(5) | 回應的RSS | 暫時未有引用通告| (0)

小金星週記-參觀中央圖書館

Posted in: 日記, Venus 地球生活, Venus 地球寫真 @ 2006年04月27日

上星期六係祈哥新婚之喜，在此小金星全家都祝祈哥新婚快樂。
可惜新工連星期六都係番全日，無得下午去埋教堂睇行禮，想當年十年前祈哥都係幫自已的鄧穿石，在此希望祈哥唔好怪我無幫手呢。

其實這份新工番了一個星期後都未習慣，如果可以多些時間陪小金星就好啦。

小金星雖然唔係做花女，但你個契媽送了呢件妹裙比小金星，重同小金星個契姐一齊影相，點解小金星你個頭比你個六歲契姐個頭重大呢?

星期日又同小金星另一個契媽同契哥仔去了中央圖書館入面的玩具圖書館。不過可能小金星太細過，最好玩的玩具只係對鏡笑，對D玩具的興趣不大，都係等你大個少少先再來啦。

講過呢個圖書館，你爸爸都係第一次入去，最得意係記得SARS時代newsgroup留傳一個故事話呢個主角每日一早食福麵，跟住行路往圖書館上網睇報紙找工。呢D係沙士時代的故事，好在你爸爸完了三月的project後只係兩個星期就找到工作了，小金星你知道這個世界無偶然，通通都是自已想要的。因為我要同小金星一齊創造一個溫馨有愛的家庭，當然會盡快找到工作養你呢。在此響呢度希望未找到工的，盡快處理好心情就再創造新的事業呢。