火星下的小金星

小金星，

人地比左D讚美給你，你要回應Vivien啊。

小金星:

昨晚你爸爸告訴金星媽媽 說你的小金星Blog上了moShow第三輯 11-8-2005 ，跟住將個介紹小金星果段moShow 比佢聽，
你媽媽問唔係電台節目麼，我都只係話比佢聽呢D係 podcasting…都無話比佢聽乜野係 podcasting..而佢又好勤力咁讀溫佢D英文，昨晚買左個太鼓之達人比佢玩佢都只玩了幾round，佢話留番今日完左個test 就會let go 喎….

今日問下google叔叔 “Podcasting 歷史” 啦，而 Google 叔叔就話:

Podcasting的歷史[ 簡體 ]
Podcasting的歷史. 作者： | 2005年04月17日08:42 | 原始出處：. 【內容提要】:.
Podcasting的發展某種程度上歸因於2004年8月Adam Curry對IPOD一族的描述。2001年，Dave
Winer 在RSS2.0說明裡增加了聲音元素，之後，Winer的公司UserLand Software把這項 …
tech.blogchina.com/7/2005-04-17/364640.html - 19k - 2005年8月10日 - 頁庫存檔 - 類似網頁

com/s2005/podcast.shtml”>網際網路應用系列專題之–播客-搜狐數碼[ 簡體 ]
Podcasting錄製的是網絡廣播或類似的網路聲訊節目，網友可將網上的廣播節目下載到自己
的iPod、MP3播放器或其它便攜式數碼聲訊播放器中隨身收聽，享受隨時 … Gregoire還搶
注了和podcasting相關的一系列網域名稱，podcasting.net就是其搶注眾多網域名稱中的一個。 …
digi.it.sohu.com/s2005/podcast.shtml - 27k - 2005年8月10日

(嘩mocasting 有bug… 入完D野兩次都唔見左，救命 ，今次用個notepad 入住先，唔好再死啦) 

 
小金星你知唔知你媽媽細個最憎聽收音機?
因為你呀媽細個番下午校時，要成日趕住食飯然後番學，而一路趕住做埋D功課，而果時你媽媽係唔鐘意返學的，所以條件反射下現在你呀媽一聽到D電台廣播劇就
會recall番D bad feeling 出來…. BB ，你依家要開始知道童年對一個人的影響有幾大…
鐘意或唔鐘意都好多時係同童年有關。

小金星，你想要個怎樣的童年? 不如我同你媽媽一齊 declare 創造一個溫馨、和諧、有愛的小金星童年給你，好嗎?

(大家睇下，昨晚小金星正聚對匯神咁聽住 Vivien 姐姐介紹自已的小金星部落)

小金星：

你知唔知今日係中學會考放榜的日子，你幾時會考畢業呀?你爸爸會考畢業都係經已係二十年前啦!想起會考就想起你老豆中學的日子，想起你老豆讀書時果部電腦。

你有無見過呢部機呀？呢部係你爸爸第一部電腦，亦係你爸爸的第一部手提電腦。
呢部Casio FX-700p可以話改變了你爸爸的一生，係呢部電腦仔令你爸爸進入了電腦的世界，讓你爸爸學懂寫電腦語言，唔會對電腦有抗拒，從此進入電腦佬的—生。

記得中二時有一天你個大伯買了呢部機FX700p之後你爸爸便很努力的去學習使用呢部機，這部機除了係一部Science
計算機之外，還可以寫BASIC,就係呢部機利害的地方，佢有足足2 KB 的RAM可以比你用，有個Keyboard 比你入野，依家D手提
java vm 都係差不多。你唔好以為兩K好少，因為佢將D Basic code 用step 來儲存，可以用到1568個step。

呢部機係當時1982年CASIO 的新機，配合FA-3 可以將你 寫好的程式 save 往錄音機，然後再有需要時 Load 番餅帶，將D
program load 番入部手提電腦度。當時其實之前CASIO 都有另一部早前推出的 FX-702p ，唔好以為number 大D
就正D，反而呢部 FX-700p 比 702p 更快，而個BASIC 就比較英文化，如 702p 用的 keyword 如 PRT
及  INP 都變番 正常的 PRINT 及 INPUT，咁D code 易睇好多。

佢重有感熱式印字機，可以隨時隨地印野，響1983年的時代，可以隨街印野，你都咪話唔勁。
呢部機勁的地方就係佢的BASIC 只有1568個step。因為memory 唔夠，好多野都要自已想辦法去optimize
佢，當時有本電腦雜志叫做 ie 6502，當時呢個世界的電腦百花齊放，如 NEC, VIC20, Apple, ZX-81
等，果本雜志每期都會將所有D progarm d source code
登出來，咁讀者如果有果部機的就可以自已將果幾版自已人肉咁入番落電腦度，就係咁樣，你老豆就係咁將D program
逐行逐行咁入落電腦度。然後去debug。呢個process
其實都係一個好好學language的方法，因為始終人肉入code，錯誤在所難免，入了成個鐘頭的code
可能要花番同樣的時間去debug，透過debug，就可以對programming 更深入了解，亦見到人地一D 勁或stupid
的方法去做一件事，可以提升自已的coding 能力。入code 入到咁上下就學下改人果D coding，點解人地呢度要咁寫，要 for i=1
to 31? 改成 for i=1 to 30 有乜用，再run 過個program 就知道，呢D改code 學code
的樂趣，相信比花所有時間去打機有趣。

跟住慢慢你老豆就學寫progarm，唔好以為得12個digit 就無野玩，你老豆當年都寫左幾個games ，如 食鬼， starwar 之類的 action game。

之後重試過人肉renum d code，BB，你要知道當時 BASIC language 係有line number的，如以下。

170 for i = 1 to 256
180 print i; chr$(i);
190 next i 

你可以將佢 renumber 到  

1 for i = 1 to 256
2 print i; chr$(i);
3 next i

咁你就要人肉將所有code renumber 番一次，而 BB 你要明白果時BASIC 的coding 好興用 GOTO linenumber 的，特別係一D 唔醒的 programmer ，果時係又goto ，唔係又goto…. 例如

50 print f;
60 f=f-1
80 if  f<1 then goto 100
90 goto 50
100 print “Game over”

同樣的code 可以優化為

50 print f;

60 f=f-1

80 if  f>=1 then 50

100 print “Game over”

 當時D機因為得果千幾個byte，寫少D就可以寫多D，同埋果時的code 得咁少，寫成點都比人睇晒。

呢部FX-850p 係你爸爸88年買的玩具，都係玩了幾日，用來儲存一D資料，果時都係6百幾蚊就買到，可惜呢部機玩了幾天就玩完，不過任務經已完成，算啦。

上Google search 到呢個電腦Museum ，找到Casio FX700p 個Spec:

NAME   FX-700P MANUFACTURER   Casio TYPE   Pocket ORIGIN   Japan YEAR   1982 END OF PRODUCTION   Unknown BUILT IN LANGUAGE   Basic interpreter KEYBOARD   QWERTY calculator type 54 keys with numeric keypad CPU   HD61913 CMOS VLSI SPEED   455 kHz ceramic resonator used as system clock RAM   2 KB (1568 bytes for BASIC) ROM   12 KB TEXT MODES   1 line x 12 chars plus a 4 digit seven segment display part GRAPHIC MODES   None COLORS   Monochrome LCD SOUND   None SIZE / WEIGHT   165 (W) x 71 (D) x 10 (H) mm / 116 g (with batteries) I/O PORTS   12-pin expansion port for printer and cassette interface POWER SUPPLY   2 x CR-2032 lithium batteries PERIPHERALS   FA-3 cassette interface FP-12 mini thermal printer PRICE   $200 (USA, Dec 1983) including FA-3 and FP-12

呢部FX-700p 你爸爸的至愛，直至下一部機的出現….   續

BB

 BB,

做了爸爸之後，先知道父母的偉大，你媽媽對你真係無微不至。
你媽媽自從有你出世開始，這兩個月見到佢真係百份百無私奉獻。

呢首係你爸爸媽媽中一讀過，曾背過的一首詩。
上google search 梁上有雙燕 就找到了。  

燕詩

「梁上有雙燕，翩翩雄與雌。銜泥兩椽間，一巢生四兒。
 　四兒日夜長，索食聲孜孜。青蟲不易捕，黃口無飽期。
　嘴爪雖欲弊，心力不知疲。須臾千來往，猶恐巢中饑。
　辛勤三十日，母瘦雛漸肥。喃喃教言語，一一刷毛衣。
　一旦羽翼成，引上庭樹枝，舉翅不回顧，隨風四散飛。
　雌雄空中鳴，聲盡呼不歸。卻入空巢裡，啁啾終夜悲。
　燕燕爾勿悲，爾當反自思，思爾為雛日，高飛背母時，
　當時父母念，今日爾應知。」

在此火星老豆都要多謝一次小金星的，竟然帶了你的火星爸爸到呢個世界，還不斷以她的愛心教好每一個。小金星你都要好好對啊。

BB

你記唔記得 昨天你媽媽帶埋你去霍醫生度檢查同果個霍醫生影相呀?呢個係一路由你響媽媽個肚到你響浸會醫院同你接生的醫生，佢重成日響電視惠氏BB廣告教人懷孕知識，你未出世我地就成日響佢個診所用ultrasound 照你啊!