由iPhone 到 針筒氣槍
小金星:
最近有幸 PCMarket邀請訪問你爸爸對iPhone的意見，因為現在用緊部softbank WM6 + 3G用得幾好，雖然間中hang 機，但用緊3G 傳送再用番EDGE 相信大部份用過 1.5M boardband 叫佢用番 56K modem 都唔會好多人會學得正，所以就話部iphone值三千好啦，下年到佢響亞洲區發售時希望有埋3G啦!
小金星，查實你爸爸咁大個仔都有幾次搞野搞到見報之經驗，而第一次記得係好多年前(30年前?)，竟然搞左單野上歡樂今宵，當時都唔敢話比人聽係我搞出來的，到現在才敢講下……
話說我樓下有間小童群益會的圖書館，細個果時成日走去圖書館玩，當時10歲左右，參加了某D興趣小組要做標本，要去買針筒去將防腐濟注入果D小昆蟲度，走去藥房買當時值HK$1的針筒，對於小朋友來講呢$1 就係現成的玩具，可以做手提水槍，當時最好玩的係用水射落樓下，用針筒射水落街有幾種不同玩法，視乎你有什麼物資在手，只係水都分 冰水、暖水、熱水及室溫下的水。當然在下都只係試過冰水同室溫的水，假如閣下當年行過某處感到涼一涼或成身濕晒或D 液體發出一D 不明或知名之氣體，一定與本人無關….
針筒射水其實有兩種玩法，分 神不知鬼不覺式與練神槍手式兩種: 神不知鬼不覺式係因為用上針頭射出，對受害者來講往往以為係落微雨，所以往往只係摸下個頭，望下個天就算。這種方式還要計算炮彈射出與到達地面之時間，及移動之速度，新手往往需要一些時間去練習，但唔緊要，這是熟能生巧的行為，當年未有wii就只好人肉練習一下。
而 除了從針筒射水之外亦可除掉針頭 作高速發射，而這亦需要配合天氣，及更準確之眼界。每當下雨天時target 從兩旁進下射程後，便可以45度角高速射向目標，由於時為下雨天，目標多數未能了解自已為何濕身。
本文無鼓吹推動 針筒射水之玩意，有意練眼界者可按此
玩了一排這種迷你水槍之後，最大鑊的就係某日從地下執到……
(閱讀全文)
回應(4) | 回應的RSS | 暫時未有引用通告| 
(0)
昨晚舊同事新婚之喜，這件同事當年和他SARS期間在機場一齊做Project，好多Lotus Notes設計的都是他教我的，在此祝他和太太建立一個溫馨和諧的家庭。自從結婚註冊可以自訂之後，都是第一次參觀和體驗下，查實個程序run down 都大致ok，只係有時個focus唔知響班伴婚和伴郎身上還是應該放回主人身上，還是嘉賓玩遊戲而唔係玩新人之類。 最大的敗筆的只係個婚姻planner 司議身上，唔係話佢搶野講或好多時Ban 了新人的話，或者空隙時間太多，或者空白時間之後講野唔識拍下個mic，一講野就太大聲嚇親台下 D嘉賓之類的小事。和鄰友一致的意見係無heart，說話都只係為做而做，只係生硬的表達了資訊但就沒有那份溫馨的感覺。雖然晚上註冊可以更加多親戚朋友見證這段
婚姻，但請 作為專業的婚姻planner能夠真的像肥田果種對婚姻的著緊就用心就好了 (這次N73 在後面影的，試影了一下就算了)
