火星下的小金星

小金星：

作為香港人真係一個奇怪的中國人，係一個唔識唱自已隻國歌，唱到一半就啦啦啦，電腦上又唔懂拼音的一個物種。

人地大陸及台灣都叫做可以用拼音來打下中文，但香港人其實做少係未學過廣東拼音的，相對來講台灣和大陸同胞就自少就學懂拼音，所以電腦上中文打字絕對快過香港人用廣東拼音。

 記得早年win31 時代開始便有廣東輸入法，但到了現在真的唔懂了，XP上亦不見得有標準的廣東輸入法，而用廣東輸入法真的時常要選字，速度相信難比倉頡/速成輸入的速度。

 小金星，你長大時會學懂廣東拼音嗎?

 

我靈願你花多D時間去捉金魚，都好過學廣東話輸入法啊。

小金星:

對於中文輸入，爸爸工作上始終係英文為主，雖然1987年果份工經已要處理好多用dBASE 打的中文地址，那時Windows 還未普及，用中文要用DOS +國橋中文+dbase ///，當時見果D中文輸入員打中文，可能就係見到佢地打咁快， 便產生一個信念……

雖然自從Apple II 時代經已學過倉頡，但始終有一個信念，認為自已唔可以打太快，如果唔係就會走去做 call 台，所以為了繼續做電腦工而唔做call 台工，這是第一個閃去唔學打中文的理由。

電腦上的中文始終唔普及，雖然當時都要用下Page Maker 及 Coreldraw ，但都係做下排版及打幾隻字的地步。

到了 BBS Modem時代(1985-1995)，都只係英文溝通多，乜野 buy sell echo都只係用英文就得。所以當時速成識打幾隻字都可以了。

到了1995年左右響一間律師樓做Support時，見到當時的中文秘書打中文的速度都真的快，收入亦很好，總算係一門手藝。算係對中文輸入的睇法改變….

 

現在想起第二個閃去唔學打中文的理由係這十多年間假如你比人知道你知道你懂打中文的話，一些乜野會議紀錄及重要文件就會找你去輸入電腦，而目的只有一個，就是印出來比較漂亮，其它的理由如 re-usable，keep softcopy 等通通不會理會，於是打了一晚的心機原來只係為了美觀，這些無謂的工作可能軀使我的自我抗拒學習打中文。

雖然自從Apple II 時代，由DOS時代(國橋、倚天)、Windows 3.1 、windows 95 到現在的WinXP，之間用過速成，廣東話輸入法，同埋一隻由澳洲人發明的筆畫輸入法WP。

由Apple II 時代經已抗拒學倉頡，對於這種咁難學的中文輸入方式，自已覺得中文無理由係咁難先可以打出來，雖然朱邦復先生無私的貢獻，將倉頡免費的送出來，但自已就覺得無必要咁辛苦的去學拆字，而每次見到那些什麼 快快樂樂學倉頡 只覺得很反自然………….

 

小金星，你會快快樂樂學 倉頡嗎?

 

 

 

小金星:

上星期聽倪匡香港電台節目(  倪 匡 看 世 界  /  外 星 人 的 奧 秘 )講外星人講到到復活節島巨人石像,入面倪匡說這些古代巨型石像很神秘,科學家和考古學家都找不到這些石像的成因，很有可能是外星人所做的。

立刻想起小金星出生時曾睇過牛頓還是甚麼科普雜志的文章，入面講到考古學家經已找到答案，照計咁耐都有新聞掛？

於是上google search 下 “復活節島巨人石像”，上星期都好像找不到我想找的文章，只找到些文章還說巨人石像很神秘之類。記得當時果篇文章話到最後D土人無野食，開始人食人……
於是 google 加上 “復活節島巨人石像 人食人” 就一下子找到有關之新聞了 ….

 復活節島巨人石像原來係一個環保問題….

(閱讀全文)

原來小金星都幾出名，

市面上 小金星都祝大家中秋快樂， 唔信? check 下呢度 都係有報導

小金星:

昨晚雖然因為公司搬屋搞到好夜，但因為約了你爸爸認識了四份一個世紀的老同學出來，於是來個夜飯，九時未到之前，走上樓上書店行一下就見到李天命新書殺悶思維，想都唔想就買了，不過早前買了 明日之神，都係睇埋明日之先。

 

席間知道 有人婚姻有變，兩個人分開了，在此祝福呢位人物新的生活新的希望。

之後閒談下談到 Blog ， 黃太說 Blog 是無用的Internet tools，還舉例說之前  Wordstar,  Word Perfect ，甚至  由 DOS 轉到 Windows 的 UI，都好有用，而Blog 的出現，則只是比人 風花雪月，毫無用處。

 

本來個人價值判斷沒有高低，正如黃先生說 A覺得有用 ，B可以說無用，而A 不可以說B 是錯。

不過黃太說到 Blog 對 社會 無用，社會上的人不會因為沒有Blog 而有所不同，而沒有了word processing 或Windows ，人們便會很不方便。

而這種論調，便不是個人價值判斷，而是論證  “Blog 對人類無用”

對於這些 命題，只要舉出 Blog 對人類有用之例子，”Blog 對人類無用”的命題便可推番。

求其舉D Blog可以認識新朋友，可以練習作文，將自已所見所聞Blog出來，Tag D相類似的題材，Blog 談戀愛等。

而正方舉出某些人寫Blog的文法錯誤，無聊等自然會無人睇，但就算無人睇都好，對某些人都可能有用處。

有D Blog 講的內容 雖然 可能平淡、無聊或屎尿屁，但都可以有用，特別係人類學家、社會學家、情人們，都可能對果D Blog 有興趣。

跟住原來正方話佢 Search 野會比 D Blog 內容阻住，重舉出例子話想知多D “congee” 呢個字會比D Blog 阻住，找不到佢想找的內容。雖然我說 Search 的時候可以加多D keyword 如 congee history 去增加 search的正確性，但佢又話會局限左 找尋的內容… >__>

跟住我都有解釋比佢聽， 自從 Internet WWW 出現，早期人類需要學 HTML 或 Frontpage 之類方可以 將自已的idea publish 出來，對大部份人類來講，係係有少少難度的。

但自從 web 2.0 時代，人類只要直接 login 自已個Blog，填幾個Field ，按submit  就可以在任何地方，將自已的思想發送到網上去。 還可以與世界上任何人士互動交流，還說無用?

就像 最初有人以為發明電力後 電力只係用來 照明用，或發明了電視會取代電影，當晚都無講到 Blog 的商業應用及對科學的電貢獻。身為Podcaster 當晚都無講 Blog 與Podcast的關係與有乜用了。

 

席間黃太說 她不了解 ICQ/MSN 有乜咁好玩，點解咁多人會咁沉迷，亦說唔得閒看email 了。亦不了解人家send 句 “收工啦，好嗎” IM 的意義。當然我亦無講 Sametime 點樣可以幫助我地公司成個團隊運作….

 在此想起 Discovery Channel 的 Connection…

// 發明的智慧Connection III-Drop an apple西元1793年，史密生發現了水晶；西元1851年，傅科發明了弧光整流器與慣性擺錘，證實了哥白尼的地球自轉理論；西元1896年，德國人倫 琴發現了X光，顛覆了科學界；西元1898年，居里夫婦利用通電水晶發現了鐳元素；西元1903年，朗哲文運用了居里夫婦的水晶測電器，發明了聲納，讓二 次大戰的同盟軍贏得大西洋之役…等；這些如骨牌效應連鎖般的科學發明深深影響了近代的歷史。Discovery Channel將與您一同去體會這些發明背後所蘊藏的意義。從孔德、馬赫的觀點，到愛因斯坦綜合了過去科學家們的理論，將哲學、科學、歷史歸納成「相對 論」，每件事物都被賦予全新的見解。//

科技就係咁樣，一樣影響另一樣，無 當年發明的影印機 Xerox 的 research, 就無今日的 ethenet， Apple/Windows GUI 及mouse

 

 小金星，你的人生有用嗎? 這世上有無用的人生嗎? 上 Google search 下”無用之用” 就找到 Yahoo 知識 上的 無用之用

  小金星，你會因為email 成日收到 spam而覺得 email 無用嗎?

人生是有意義的嗎? 有什麼意義? 你的人生意義和我的人生意義相同嗎? 到你長大你會寫個有用還是無用的Blog?

嘻嘻，重話 Blog 無用? 另一位 四份一世紀前認識的老同學都留了言呢，公公 見字就 send 個 email 比我  issaclam@yahoo.com ，或 留言@小金星熱線 30058724 呀!

 

1. Heung Chin Says:
    I am your old friend, do u remember me. HAHA
   I seen your little venus photos
   it is a big suprise fo me that i suddenly searching your name. I knew ur a IT man.

   I working as a nurse seen 1988. now i live in Tai Po and work in Caritas Mediical Centre as Respiratory Advanced Practice Nurse (Nursing Officer)

   I am married too with 2 kids. ONe is six yrs old (girl) and another one is three years old. They are great…

   I had seen the photos in flickr.com… very nice
   you , your wife and your kid… very lovely

   I hope i can see you not in cyber space….
   please contact me if u can…

2. Chui Heung Chin ( Chui Kung Kung) Says:
   MonK Chu, U still not remember me, I am Kung Kung ah!! (over 20 years not using nickname la)
   Do u remember the songs we sing in notre dame college corners and corridors

 

小金星:

你將來睇Mcmug 故事入面有講一個火雞的故事，故事裡頭Mcmug 話果隻火雞在
Mcmug 個雪柜的日子比呢隻火雞有世的四個月時間還長。
今日見到其他Blog Post 呢個伍忠業個7個月BB都有呢個Feel.

 

 

救救BB

 請幫幫手! send 個信息俾人！

有一個七個月大BB，因為依家患上

cancer，而佢血型係罕有的 ( o- ),如果係 ( o- )
血型的朋友，願意幫忙的話，
請聯絡佢爸爸伍忠業先生
(852) 9735 8296

好心好報!!!

找番你爸爸舊信 @ Monday, March 14, 2005比你爸爸個朋友:

> 呢個email生存的時間經已比個七個月大BB生存得更耐，呢個伍忠業的BB
> 經已起碼在網上生存了 3年以上，
> 相信呢個BB會長生不死呢!
>
>

上Google 找一找 “伍忠業 BB” 經已可以知道呢封信經已生存3年以上，

個電話9735 8296 都無Service 了。問你發來做乜? 相信邊個唔好彩 申請了呢個電話都會即刻停用，如果唔係一日到黑都會有人打電話來求証或送佢O-型血。

查實一封無deadline ，只有少量資料的連鎖信可以響internet 上生存多久呢?

小金星，可能比你爸爸還長壽呢。

你爸爸都唔知點解一見呢D 不實的傳言就著掣，搞到3點都唔睡打呢篇野。
呢個網言網語TAG 都好多呢D連鎖信，可能你爸爸一日收好多呢D junk mail….

 小金星你快D快高長大，
我可以早日教你怎樣做紙包雞，
再找黎根教你搶包山。

 

 

原文 — Wing Chan — 2005-11-10 11:53:37

 

嘩嘩嘩！大件事．．．．沒想到自己一篇少少分享 - 「階級觀念」，引來了這麼多的迴響（因從別人的轉載中看回），令筆者有很大的提醒，說話要小心，因筆者只是打少了一句話，就出事了。

雖筆者認為「文憑（學位）並不代表一切吧！」，但一定不會建議時下年青人不勞而獲。始終人一定要努力過才算真正的成功，就算在別人看來不是成功，但至少自己真正努力過。

事實上「學位」只代表人知識的很少部份，一個真正有料之人，的確又未必會有很高的學歷，始終人生經歷都會成為人的學習之路。不過人人看事也有不同想法吧！

就以藝術工作（音樂、運動、美術．．．．）為例，很多成功的人，都不一定是真正擁有其工作的學位的，但他們也一樣成功吧！而且不多人會先主力考慮其學位，因為這方面的工作，成績好的確也不代表你一定有料的．．．．

小金星:

 

將 有人 無  文憑     都可以 成功
     有人 無     P        都可以   Q  

 而將 P 當作 可有可無， 係犯了乜野 謬誤?

 

 

 

成功的條件有千千萬，將其中一條條件 P 等同 必要條件 係一個謬誤。

李天命話: 概念扭曲
: 譬如相貌好、性情好、頭腦好都是人的理想條件而非必要條件,
一旦把相貌好、性情好、頭腦好作為人的必要條件而混入了人的定義之中, 那就可以斷定 “凡是醜的就不是人” 、 “凡是壞的就不是人” 、
“凡是蠢的就不是人”, 但這顯然荒謬, 犯了概念扭曲的語害. 

將求其一個條件當成必要條件叫做以偏蓋全 係犯了 概念扭曲  的謬誤

所以:
用有料人士 Bill Gate 做例子，話佢咁成功都
未必需要擁有其工作的學位，
係犯了
不充分的謬誤，而推論出
「Bill Gate 咁成功 都無學位」，
係唔係犯了 不相干的謬誤呀?
事實大把人就算有好多學位都未必可以響工作上成功。

將有料人士等同成功亦犯了 不相干的謬誤

因為大把有料的人可以唔成功。

小金星你又點樣去定義成功呢? 

小金星，你會定義 成功係有 文憑嗎?

 不如一齊網上思考下吧。