火星下的小金星

小金星：

作為香港人真係一個奇怪的中國人，係一個唔識唱自已隻國歌，唱到一半就啦啦啦，電腦上又唔懂拼音的一個物種。

人地大陸及台灣都叫做可以用拼音來打下中文，但香港人其實做少係未學過廣東拼音的，相對來講台灣和大陸同胞就自少就學懂拼音，所以電腦上中文打字絕對快過香港人用廣東拼音。

 記得早年win31 時代開始便有廣東輸入法，但到了現在真的唔懂了，XP上亦不見得有標準的廣東輸入法，而用廣東輸入法真的時常要選字，速度相信難比倉頡/速成輸入的速度。

 小金星，你長大時會學懂廣東拼音嗎?

 

我靈願你花多D時間去捉金魚，都好過學廣東話輸入法啊。

小金星:

對於中文輸入，爸爸工作上始終係英文為主，雖然1987年果份工經已要處理好多用dBASE 打的中文地址，那時Windows 還未普及，用中文要用DOS +國橋中文+dbase ///，當時見果D中文輸入員打中文，可能就係見到佢地打咁快， 便產生一個信念……

雖然自從Apple II 時代經已學過倉頡，但始終有一個信念，認為自已唔可以打太快，如果唔係就會走去做 call 台，所以為了繼續做電腦工而唔做call 台工，這是第一個閃去唔學打中文的理由。

電腦上的中文始終唔普及，雖然當時都要用下Page Maker 及 Coreldraw ，但都係做下排版及打幾隻字的地步。

到了 BBS Modem時代(1985-1995)，都只係英文溝通多，乜野 buy sell echo都只係用英文就得。所以當時速成識打幾隻字都可以了。

到了1995年左右響一間律師樓做Support時，見到當時的中文秘書打中文的速度都真的快，收入亦很好，總算係一門手藝。算係對中文輸入的睇法改變….

 

現在想起第二個閃去唔學打中文的理由係這十多年間假如你比人知道你知道你懂打中文的話，一些乜野會議紀錄及重要文件就會找你去輸入電腦，而目的只有一個，就是印出來比較漂亮，其它的理由如 re-usable，keep softcopy 等通通不會理會，於是打了一晚的心機原來只係為了美觀，這些無謂的工作可能軀使我的自我抗拒學習打中文。

雖然自從Apple II 時代，由DOS時代(國橋、倚天)、Windows 3.1 、windows 95 到現在的WinXP，之間用過速成，廣東話輸入法，同埋一隻由澳洲人發明的筆畫輸入法WP。

由Apple II 時代經已抗拒學倉頡，對於這種咁難學的中文輸入方式，自已覺得中文無理由係咁難先可以打出來，雖然朱邦復先生無私的貢獻，將倉頡免費的送出來，但自已就覺得無必要咁辛苦的去學拆字，而每次見到那些什麼 快快樂樂學倉頡 只覺得很反自然………….

 

小金星，你會快快樂樂學 倉頡嗎?

 

 

 

小金星:

最近有幸 PCMarket邀請訪問你爸爸對iPhone的意見，因為現在用緊部softbank WM6 + 3G用得幾好，雖然間中hang 機，但用緊3G 傳送再用番EDGE 相信大部份用過 1.5M boardband 叫佢用番 56K modem 都唔會好多人會學得正，所以就話部iphone值三千好啦，下年到佢響亞洲區發售時希望有埋3G啦!

小金星，查實你爸爸咁大個仔都有幾次搞野搞到見報之經驗，而第一次記得係好多年前(30年前?)，竟然搞左單野上歡樂今宵，當時都唔敢話比人聽係我搞出來的，到現在才敢講下……

話說我樓下有間小童群益會的圖書館，細個果時成日走去圖書館玩，當時10歲左右，參加了某D興趣小組要做標本，要去買針筒去將防腐濟注入果D小昆蟲度，走去藥房買當時值HK$1的針筒，對於小朋友來講呢$1 就係現成的玩具，可以做手提水槍，當時最好玩的係用水射落樓下，用針筒射水落街有幾種不同玩法，視乎你有什麼物資在手，只係水都分 冰水、暖水、熱水及室溫下的水。當然在下都只係試過冰水同室溫的水，假如閣下當年行過某處感到涼一涼或成身濕晒或D 液體發出一D 不明或知名之氣體，一定與本人無關….

針筒射水其實有兩種玩法，分 神不知鬼不覺式與練神槍手式兩種: 神不知鬼不覺式係因為用上針頭射出，對受害者來講往往以為係落微雨，所以往往只係摸下個頭，望下個天就算。這種方式還要計算炮彈射出與到達地面之時間，及移動之速度，新手往往需要一些時間去練習，但唔緊要，這是熟能生巧的行為，當年未有wii就只好人肉練習一下。

而 除了從針筒射水之外亦可除掉針頭 作高速發射，而這亦需要配合天氣，及更準確之眼界。每當下雨天時target 從兩旁進下射程後，便可以45度角高速射向目標，由於時為下雨天，目標多數未能了解自已為何濕身。

本文無鼓吹推動 針筒射水之玩意，有意練眼界者可按此

 玩了一排這種迷你水槍之後，最大鑊的就係某日從地下執到……

(閱讀全文)

小金星最近除了和爸爸玩Wii減肥之外，還買了AppleTV，雖然佢媽媽以為AppleTV係一個TV，

 

睇完部AppleTV都唔知係乜，小金星你會有個AppleTV的童年啦，Ready 啦!

重有你有個Robot 同你一齊過童年呢! 你有無睇過鐵人28呀? 記住唔好唔見個控制器呀，唔係好大鑊架!

 

 

小金星:

 最近收到趙紫陽逝世一週年的email，便想起舊年趙紫陽逝世時響維園替復康力量搞十週年那個週末的星期五晚上，那晚要到維園收貨，終於收完貨後食了成個鐘頭西北風時走了去睇趙紫陽逝世的紀念集會。

這個復康力量「分享28」慈善大露營於維園搞了28個小時的活動，之前個多月都開過好多次會，終於在時間不足之下，創造了這個豐富的活動。內容有傷健大露營、親子嘉年華、攤位游戲、音樂大匯演等等。

 記得好久之前有人話無需要親自落場去做service，捐下錢重好，但其實hold 一個服務，背後都學到好多野。例如這次真係一個好大型的社區服務，我們這班commitee都唔係專業的幹事，各人來自不同的行業，怎樣可以向著這個理想而努力，而中間開幾次會點樣可以落實講過的事情會講得出、做得到? 呢D都唔係日常工作可以得到。

 

所有到場的藝人，玩D乜野游戲，找贊助商、禮品、記者、食品、區議員、通通都是這班commitee付出所創造出來的。

創意露營有D乜野玩? 響維園露營呢。係呀，舊年我們經已成功響維園露營呢。就係Bonnie 的鬼主意呢。

 

 

 找到小金星你婆婆表演十八式早操。

 

 

 

 

 

找到Doris 做司儀，右面就係復康力量會長Leo Lam 呢。

 

 

 

 

 當日做義工統籌，負責將不同的義工放到不同的地方服務，兩日來臨的善工有300多人，最得意的係食物部的義工，可以學整熱狗、燒賣等小食。

 

亦有不同的攤位游戲，  你都有份幫手呢。

雖然忙了一整個週末，但都很有價值呢。嘻嘻，睇下，有咁大個Hug呢!

 

呢個社區服務經已係舊年一月舉行了，呢度多謝各位支持， 特別係小金星媽媽放人，因為有時開會都好遲先番到屋企，照顧唔到腹大便便的小金星媽媽同肚中的小金星。

呢D社區服務真係值得花D時間去體驗下，用D唔同的態度去睇呢個世界，原來付出係咁樣的。
小金星，你想體驗人間有情嗎?

今年十一月沒有工作後，其實都有不同的朋友邀請去做大型的義工服務統籌，但都推掉了，響呢度都對D朋友講多聲對唔住，因為見過一D熱心的義工朋友好熱心，自已的生活都未有工作成年，就搞幾個月義工服務，你爸爸就唔想有呢個體驗啦。對我來講，自已的生活都好重要，先找番份穩定的工作， 再去付出，都唔錯吧。

 

 

小金星:

雖然部Nokia 6670 都幾好用，個S60 OS 都比你爸爸裝了不少有用的工具程式，
可以戶外工作時上到網，行到ICQ/MSN/Google Talk，不過始終S60 好多limitatiom，
雖然可以比Palm用到multitasking，不過同一時間load 多幾個程式便會唔夠memory。
特別一影相就要kill 晒行緊其他application，所以就襯聖誕換下機，

原本想買果部dopod 818
Pro，但之前你爸爸買過部O2 mini 有D 唔愉快的經歷，成日hang
機同一晚可以掉落地幾次，個screen又細，又慢。買左唔夠一個星期就放番出去。今次部818pro 都係200Mhz ，你爸爸3年前部HP
經已係400mhz，比你爸爸用就唔夠用啦。

後來睇過呢度講呢部ETEN M600 的資料 ，個速度好快呢。

呢部 倚天 原來真係當年個倚天中文系統果間中文開發公司，
當年未有Windows 的DOS時代倚天同國僑係好出名的中文系統。

原來後來倚天就搞中文金融機，今次做埋Pocket PC呢。之前出了部M500，今次出部M600。

上了一晚網之找資料後終於都係選呢部: 

 

呢
部係你爸爸的第3部Pocket PC，你爸爸都知道台灣機比名廠機始終差少少，同埋D accessories 
都無乜，想買個唔同的Case/電池/筆都未必有。就像你爸爸第一次買果部Palmmax 中文PPC 就真係強差人意。相反第二部HP2110 so
far 都真係幾好用，用左都3年啦，你爸爸都幾滿意。今次買呢部ppc 手機都係想將兩樣野合埋，唔洗帶咁多野出街。

 

嘩! 小金星呢張相係1104 影的，上次影完唔記得寫呢隻計算機，嘻，足足成個月呢，你都唔同左樣了!

CASIO 響早期其實好創意咁出了好多難忘的產品，影響你爸爸一生的第一部BASIC 手提電腦就係 CASIO 的 FX-700P，而呢部MG-880 亦係一部當年好多人玩的計數機。

呢隻 計數機除了計數之外，最特別的地方係可以彈琴同打怪獸，果隻數字打怪獸遊戲都幾益智，除了考反應之外亦可以練心算，1+9 2+8 3+7 4+6 5+5 等都可以出飛碟。 小金星你未玩過? 可以響呢度Download 到。

 

其實呢隻games 都幾好玩呢，如果有手機 JAVA 版相信都幾有市場，不過唔知CASIO 有無copy right 呢?