火星下的小金星

 小金星：

今個星期開始網電台 開台呢，woo.. 10-11-2005 星期四首播呢。

http://openradiohk.com

小金星：

今日執屋，找到呢D 1989年的PC Invoice，
果時D 電腦同依家比都好貴，
一個1.44Mb 的3.5″ Floppy  要成HK$600，
重要寫低個 serial no， 你話一個磁碟機幾貴重?
依家就HK$50 都唔洗就買到過啦。

呢間Maxwell 依家重響度呢，
果時你爸爸個小學同學響果度做呢。

另外個TVM VGA 響果時好勁，
可以加埋個TV Box 就可以睇NTSC或PAL ，
果時都未有 TV Partner，未有 LCD mon，
係呢隻野先可以接遊戲機，
依家D VGA CRT monitor 都係HK$600 就有一個呢。

呢
個係8974 的電腦價錢， 果時都係 16Mhz的80286，
harddisk 只有 20Mb，現在最cheap 的Memory stick
都
已經32Mb 呢。一部黑白的286出門口都要HK$7100 呢。
依家D P4 加埋個LCD 都唔使咁多錢呢。
呢間Patron
之前響黃金地庫，後來老闆Patrick離開黃金後去了新蒲崗，
之後唔知點呢。

講386都要HK$6770呢，但就唔知有無HDD呢，可能無就呢個價啦。

<<瓊斯牌香腸>>

一個大學生於大學畢業前幾個月，患上肺結核病令雙腳從此不能行動。
從此人生還有什麼意義?
今期Podcasting 訪問復康力量會長Leo Lam。
這是一個熱愛生命與及動人的愛情故事，亦了解香港的傷殘人士情況。

1995年，他創立一個為傷殘人士爭取權益的志願團體——香港復康力量

1996年，他獲得香港十大傑出青年獎，以表揚他的努力不懈、永不言棄的精神

Podcast

 網上收聽@Odeo    網上收聽@Podlook      網上收聽@Yahoo Podcast   

小金星：

假期第一日同你渡過一個平靜的下午，需然你都有失控長響的時候 ，但只要帶你落街行下個公園，就會無聲啦。

假期第二日就唔比自已咁hea，都走了去做Podcast 訪問。

假期第三日去了南丫島北角村執石仔同蟹仔，都係一個風景幾好的地方呢，下次可以試下釣魚，咁就可以有食。

一路執野一路聽 Podcast ，乜都聽晒啦，下次要入定多D貨落部 ipod 先得。
最好係一路都可以行 IM ，又MSN ，又 yahoo IM，重可以send 番D 相比 人。

 不過唔知點解個Video D 旁白唔見左，係技術問題，可能D codec 唔得…. 不過都睇下片啦。

“不滿” 的禮物

張醫生對專業人士的睇法

Podcast

 網上收聽@Odeo    網上收聽@Podlook      網上收聽@Yahoo Podcast   

小金星:

昨日早上處理好onsite工作給同事後，
吃過午飯後便買了兩本勵志書比自已充下電，然後便從銅鑼灣個客的寫字樓坐車回沙田總公司。下午三點多回到HQ
Office有點默生又熟悉的感覺，見到兩位Reception 姐姐還是那兩位，這28個月外出的Onsite
工作都無番來過，但亦遇到一些舊同事，寒喧了幾句便找番自已個呀head。
之後呀head 帶我到樓上的會議室後，離開轉頭一會兒便帶埋人事部的同事過來。

哈哈，一見到人事部同事的出現便知道一定他們出最後果步了，之前自已都有想過呢個可能性，所以都無乜太大反應，就睇下公司點處理我吧，工作了九年，長期服
務金加兩個月代通知金，都有一排可以洗，暫時都無乜生活問題，但當然要努力搵工，養活小金星一家啦，所以同朋友講笑話攸長假期開始，小金星媽媽都好唔滿
意，話乜野悠長假期呀，叫你爸爸快D找工………… 呀head
處理了爸爸之後，亦處理了你爸爸的同事，他來了公司五年，當然無咁多長期服務金啦，但大家都有少少sense
聞到的，所以都無乜唔開心，總之公司都依足例比足錢你爸爸，無乜野要講D受害者故事。

其
實一路都因為你爸爸ground 好你自已，由睇果D 勵志書小故事，到Ipod播番D
勵志歌比你爸爸，到出發途中都找了比buddy充充電，唔好成隻死狗咁樣，自已知道呢個世界無人係欠你的，呢度可以有咁耐的工作都要感恩呢，可以養到小金
星你的出現，公司和同事背後都撐你爸爸唔少。所以出來之後都hug 了呀head 一下，多謝咁耐對你爸爸的照顧。
之後亦找到之前的另一個Boss見個面，問佢比D coaching，問下佢對你爸爸的能力的意見，D 客人點樣comment 自已呀，自已適合做D
乜野 field 呀，佢都比左唔少意見你爸爸，例如做D自已有興趣的事，因為你的有興趣，自然亦會做得好些。小金星，呢一part 你爸爸都覺得自已做得唔錯，肯去face up 個result，無需要受害於個結果。雖然個結果未必係你爸爸想要的，但從別人眼中的你，你可以進一步了解自已的強弱點，同埋下一步可以點。 

你爸爸都響呢度都多謝你爸爸的好朋友，上個星期 break down 開始，成個星期都朋友比你爸爸draw下，昨日出發番HQ ，中途都打了四個電話比你爸爸的好朋友去Draw，而成功率有50%，都算唔錯的result。

昨晚樓下都有萬聖節晚會，不過你爸爸昨晚都找了Ben 叔叔食飯，Anyway 小金星都祝大家萬聖節快樂。 

 昨晚煲完成套電車男，都深深感受到各人對電車男支持的重要性，小金星，在這個時刻，你會支持你爸爸嗎?

小金星:

呢隻杯係上次搬入來的時候買個電視百老匯送的小飛俠贈品其中一隻，小金星你知道嗎，
響公司用自已隻杯可以係代表歸屬感，有D人初來報到時會用公家杯或紙杯，但當你坐定左你就會帶番隻私家杯。
你爸爸有個信念話比自已聽，唔好用自已隻杯，你只係一個過客，你一用私家杯就會移動你啦，今年六月後，你爸爸找到呢隻杯，心想都做夠兩年啦，都可以用番隻私家杯啦掛，點知就出事了。

小金星，你知唔知你爸爸做乜架? 你爸爸在這間沙田電腦SI公司 經已九年多了，這九年間公司派你爸爸做過不同的任務，有短期的，又有比較長期的onsite outsource工作，
比較長期的服務的地方有金融管理局，機場管理局，民航處、
又或者一些私人的機構如幾間石油化工公司及Logistic公司，都做過超過一年的賣豬仔生涯。

Outsource 的onsite工作 和你爸爸之前打普通的工作不同，對於那個機構來講，
作為一個contractor, 你只係一個公司過客，你唔會係那個機構的自已人，公司的行政亦與你無關。
你的出現，就係要服務公司每一位，解決他們的IT問題，
但小金星你知道你唔係superman，亦唔係只有你一個人去處理咁多問題，
反而你要將個問題找到適當的人去處理，及回應番個客幾時搞掂。
因為全世界分工合作的關係，所以每日無論長途電話、IM、email 聯絡世界各地的同事去解決問題。

你爸爸在這間銅鑼灣的石油化工公司工作都28個月了，
上兩個星期星期你爸爸收到成team 人要離開這間公司的消息後，
成個星期都要將呢間公司自已的私人物品拿走，
雖然果度D同事知道你爸爸離開後話你爸爸都唔開心，
但你爸爸知道呢D都係商業決定，
無乜野需要去強求，反而都感恩這兩年多的時間可以比你爸爸有個安定的生活，
特別係小金星你出世以來你爸爸大部份時間都可以準時做好工作就走，
可以早D番來陪你和小金星媽媽，同埋出面搞咁多野。

來緊的日子去向都未清楚，人生就係咁好玩的呢，唔知點 都係一個特別的體驗。
星期一就返公司總部，睇下老細又比D乜野工作你爸爸做呢。

突然想起每次你爸爸轉工，你麻麻就會話 : 滾動的石頭係生唔出青苔的

小金星，你知道 青苔 代表乜野? 係好的還係唔好的?

小金星，呢個係2001年時你爸爸公司比你爸爸的服務5年水晶球啊!