火星下的小金星

今次經已係小金星成長的23集了，多謝小金星的出現。

今次重手左無用個template ，set 錯左個rate 做 8000Khz，做完先知個MP3 file連將相都係5Mb唔夠，足足有39分鐘。究竟質素如何? (PS 今次訪問完後應該重有野，唔知點解用firefox 電腦聽就聽完個訪問就完晒，用ipod download 又聽得晒。)

呢個星期番工無帶部ipod ，每天早上才transfer D podcast mp3 往部 M600 PPC 電話度，先發覺原來HK d podcast 節目係咁大，好多podcast節目都原來大過20MB 。 以前用ipods 唔覺D Files 咁大，依家用PPC 聽podcast 要就住，要日日清，以前用ipod就唔使理咁多呢。

 小金星，睇住feedburner 個counter 就到100 呢，你開唔開心呀?

(小金星就好似唔係幾理個Feedburner counter，只係掛住打機。)

(小金星成長#23 訪問 棄會計師 從傳道人的Joshua - 25697.mp3 )

網上收聽@Yahoo Podcast                 小金星@網上電台Open Radio Hong Kong

download@Feedburner

小金星:

 最近收到趙紫陽逝世一週年的email，便想起舊年趙紫陽逝世時響維園替復康力量搞十週年那個週末的星期五晚上，那晚要到維園收貨，終於收完貨後食了成個鐘頭西北風時走了去睇趙紫陽逝世的紀念集會。

這個復康力量「分享28」慈善大露營於維園搞了28個小時的活動，之前個多月都開過好多次會，終於在時間不足之下，創造了這個豐富的活動。內容有傷健大露營、親子嘉年華、攤位游戲、音樂大匯演等等。

 記得好久之前有人話無需要親自落場去做service，捐下錢重好，但其實hold 一個服務，背後都學到好多野。例如這次真係一個好大型的社區服務，我們這班commitee都唔係專業的幹事，各人來自不同的行業，怎樣可以向著這個理想而努力，而中間開幾次會點樣可以落實講過的事情會講得出、做得到? 呢D都唔係日常工作可以得到。

所有到場的藝人，玩D乜野游戲，找贊助商、禮品、記者、食品、區議員、通通都是這班commitee付出所創造出來的。

創意露營有D乜野玩? 響維園露營呢。係呀，舊年我們經已成功響維園露營呢。就係Bonnie 的鬼主意呢。

 找到小金星你婆婆表演十八式早操。

找到Doris 做司儀，右面就係復康力量會長Leo Lam 呢。

 當日做義工統籌，負責將不同的義工放到不同的地方服務，兩日來臨的善工有300多人，最得意的係食物部的義工，可以學整熱狗、燒賣等小食。

亦有不同的攤位游戲，  你都有份幫手呢。

雖然忙了一整個週末，但都很有價值呢。嘻嘻，睇下，有咁大個Hug呢!

呢個社區服務經已係舊年一月舉行了，呢度多謝各位支持， 特別係小金星媽媽放人，因為有時開會都好遲先番到屋企，照顧唔到腹大便便的小金星媽媽同肚中的小金星。

呢D社區服務真係值得花D時間去體驗下，用D唔同的態度去睇呢個世界，原來付出係咁樣的。
小金星，你想體驗人間有情嗎?

今年十一月沒有工作後，其實都有不同的朋友邀請去做大型的義工服務統籌，但都推掉了，響呢度都對D朋友講多聲對唔住，因為見過一D熱心的義工朋友好熱心，自已的生活都未有工作成年，就搞幾個月義工服務，你爸爸就唔想有呢個體驗啦。對我來講，自已的生活都好重要，先找番份穩定的工作， 再去付出，都唔錯吧。

小金星:

剛剛的星期五媽媽帶你去食法國餐，呢個普羅旺斯餐廳位於新蒲崗康強街。
因為你媽媽的老同學今年選了這間餐廳聚舊。 間餐廳店子不大，我們廿幾人就包了呢間餐廳一晚。

你媽媽就鐘意南瓜海鮮湯同法式焦糖燉蛋，而將D主菜鮮橙鴨胸同羊架就益晒你爸爸呢。

小金星，你睇下你媽媽D同學，邊個最靚? 佢地都係浸會音樂系出品呢。

昨晚做個stat，原來音樂系畢業後超過90%都係老師或教育有關之工作。不過有幾個都頂唔順，quit 左唔做老師啦。
重有一個未有基準就因壓力自殺呢，小金星，你話做教師幾大壓力?

包括你爸爸在內重有幾pair 人個老公都係IT人，誰說IT人找唔到老婆?嘻嘻!
呢個何女士個男朋友都係結識了學校入面的IT 人呢

昨晚睇番你媽媽讀U時D相都好似係最近的事。想當年你爸爸都幾激的響你媽媽Year 2升Year 3的時候就結婚了。未畢業就結婚當年都幾轟動架，其實都係想多D二人世界，咁襯暑假尾就結埋婚佢囉。

果時Internet 都未流行，當時你爸爸響外國做野時，你媽媽放學就去電腦室send email。當時都係Windows 3.1 時代，香港都未流行用internet。而你媽媽為了通信就好努力咁學PINE去讀/寫email。所以你爸爸求婚都係thru email 呢。(呢將係M600 影的，唔夠光就係影成咁啦。)

 小金星將來你又點樣比人求婚呢?

小金星:

今日行街見到個叫做moodicare 的小時鐘，有埋溫度計都係幾十蚊，最得意係每幾十秒就會轉顏色，好得意呢。上Google search 下，呢度要成 US$24.99 呢。小金星右手重正，係買奶粉送的。好多build in function ，小金星玩呢個重開心。

呢個USB 2.0 SD card reader 響298 重正，只售HK$12 ，用過都OK。 

 呢個speaker 重抵，雖然唔係正式ipod connecter 去連接，但用4粒AAA 電，放響toilet 聽歌同podcast都幾好。

以為上星期響298買$26 好抵，點知今日見到298賣到HK$23。

今期同Bonnie 討論勤力 呢個信念都可以引致離婚

搶先訪問香港Podcast 豬欄 主持 阿Pig.
問佢點解唔飲香港水

 
(小金星成長#21 訪問香港Podcast 豬欄 主持 阿Pig - 24393.mp3 )

網上收聽@Yahoo Podcast                 小金星@網上電台Open Radio Hong Kong

download@Feedburner

小金星，呢個聖誕及新年用呢部130萬像的ETEN M600 影了呢D相，upload 了上Flikr

http://flickr.com/photos/97938524@N00/tags/etenm600/ 成HK$5000 的130萬像的PPC
可以點?

 個video 3gp 直接upload 上來，係小金星最high 的video。

(小金星好high - 23835.3gp ) 

(上talk only 片段 - 23836.3gp )