火星下的小金星

一飛沖天326

Posted in: 隨心 @ 2006年03月07日

最近幫手同復康力量搞呢個慈善步行的「一飛沖天326」的慈善活動，原本活動係行啟德舊機場，不過到最後因為高爾夫球場方面價錢問題談不上，終於找到荔枝角公園嶺南之風來舉辦。

每次做呢D服務，有時都要同小金星媽媽取permit，
始終有時都要花D時間開會同找資源，好在小金星媽媽都好支持。

不過做多少少野就可以令這個社會多份關心，多一份愛，
你話有多好呢 ?

本星期Baby Kingdom 都幫手promo 呢
http://test1.baby-kingdom.com/modules/news/article.php?storyid=380

好快重上Roadshow呢。

more info from Leo.

截止二零零一年，全港共有約300,000名殘疾人士*，他們雖然帶有身體上的缺憾，但世上沒有人能剝奪他們的權利，更何況他們的要求並不過份！

「我只想有一技能，能自力更生！」這正是許多傷殘人士的心聲。我們作為社會的一份子，同舟共濟，血濃於水，幫助一班傷殘人士，讓他們過著自力更生的生活，只是輕而易舉的事。

香港復康力量將於2006年3月26日假荔枝角公園 —
嶺南之風舉行「一飛沖天326」慈善步行籌款。為了讓更多傷殘人士受惠，激勵他們發展，為夢想飛翔，我們誠邀你的參與。

我們己邀請了稅務局局長
劉麥懿明女士、差餉物業估價署署長彭贊榮太平紳士、演藝紅星
薛家燕小姐成為主禮嘉賓，還有不同的政界和商界名人加入。

過去10年，香港復康力量與你並肩成長，和眾傷殘人士同行，請繼續支持我們，為傷殘人士帶來夢想和希望！

祝
身體健康！

按此回應 | 回應的RSS | 暫時未有引用通告| (0)

契姐的祝福

Posted in: Venus, Venus 地球生活, Venus 地球寫真 @ 2006年03月03日

小金星你老豆呢排買了個300Mb HDD 後重裝個windows ，再set 番好D program，重要set 埋D virtual machine.. 所以咁耐都唔寫blog，加上最近重買了部XBOX，希望可以裝個Linux 同 media center 落去，同埋再買埋部 NDS，晚上又同你玩得咁開心，真係唔得閒寫blog 呢，好在D podcasting 訪問都未有脫期，可以響網上電台Open Radio Hong Kong順利出到街。

其實呢排小金星都有好多event，例如剛剛check 番個相薄找到呢個你契姐送比你的祝福。

見到呢張你契姐送比你的圖畫，真係好感動呢。小金星你都要好好的快高長大啊。
將來到你大一些時你會畫乜野比番你個契姐呢?

其實你爸爸我係最怕契乜契物的，中學時成日見到果D先契後拍拖的情人，
及舊年曾經見過有人為了叫人信主而胡亂同醫院結識幾天的陌生人結拜的奇事。
但都係平常心對待吧。有D野可能對某D人行得通，行唔通的可能與事件無關。
不過你媽媽都替你找到很多錫你的契媽，而她亦係兩個人的契媽及
她契媽的契女，
所以小金星你便有很多契媽、契姐、契婆錫你呢。
之後你契姐的幼稚園響Poly 有function，重叫埋所有契姐妹兄弟出來。
睇完都好似春田花花幼稚園咁，有好多比小朋友玩的活動和游戲。